突然有少少掛住屋企, 掛住香港, 掛住你地。我知你好忙, 忙住拍戲, 忙住番工, 忙住做功課, 所以即使你無搵我, 我都明白。我唔知你幾耐之後先會見到呢個post, 但我只係想講, 其實我都幾想念以前碼戲既日子, 一齊諗下劇情, 諗下點先可以令文筆好D, 無咁樣衰。而家既我地放左好多時間響番工搵錢度, 好似除左錢, 就無其他啦。黎左呢邊一個月, 我放低左一個月番三份工既日子, 擺多左時間去學識點照顧自己, 用多左時間去讀書, 我而家先知以前既自己到底有幾無知, GPA過3又如何? 只係一個數字, 其實我咩都唔識。呢邊學既野都好technical, 個個上堂都好認真, 回想起以前讀書, 一直都係得過且過, 連考dse都係咁, 根本無盡過全力。去到呢一刻, 我都係唔知自己追求緊D咩, 但我真係好希望我之後既幾個月, 可以令我得到更多。我唔知你幾時會無聊到上黎睇下, 但呢D就係而家既我好想同你講既野 ;) |